Who we are?

ABOUT US

ຍິນດີຕ້ອນຮັບສູ່ຖານຂໍ້ມູນນິຕິກຳຂອງຂະແໜງອຸດສາຫະກຳ ແລະການຄ້າ

ເວັບໄຊນີ້ແມ່ນ ຖານຂໍ້ມູນນິຕິກຳ ຂອງຂະແໜງອຸດສາຫະກຳ ແລະ ການຄ້າ  ໄດ້​ຮັບ​ການ​ຄຸ້ມ​ຄອງ ​ແລະ ຈັດ​ຕັ້ງ​ປະຕິບັດ​ໂດຍ​ຫ້ອງການກະຊວງ​ອຸດສາຫະກໍາ ​ແລະ ການ​ຄ້າ  ດ້ວຍ​ການ​ນໍາ​ເອົາ​ບັນດາ​ນິຕິ​ກໍາທີ່​ຖືກ​ຮັບຮອງ ​ແລະ ປະກາດ​ໃຊ້​ແລ້ວ​  ມີຜົນສັກສິດທາງດ້ານກົດໝາຍ​ ​ແລະ ຮ່າງ​ນິຕິ​ກໍາ​ທີ່​ສ້າງ ​ແລະ ປັບປຸງ​ໃໝ່ ລົງ​ໃນ​ເວັບ​​ໄຊ    ໃຫ້ແກ່ສາທາລະນະຊົນໄດ້ຮັບຮູ້ ແລະ ປະກອບຄໍາເຫັນລົງ​  ຊຶ່ງເປັນ​ເອກະສານໃນຮູບ​ແບບ​ເອ​ເລັກ​ໂຕ​ຣ​ນິກ ໃນ​ລະ​ບົບ​ອິນ​ເຕີ​ເນັດ ຂອງຂະ ແໜງອຸດສາຫະກຳ ແລະ ການຄ້າ ຊຶ່ງສາມາດດາວໂຫລດນຳໃຊ້ໄດ້.

ເນື້ອ​ໃນບັນດາ​​ນິຕິກໍາ​​ທີ່​​ເອົາ​ລົງ​ເວັບ​​ໄຊ​ນີ້ ຖືກ​ສ້າງ​ເປັນ​ລະບົບ​ພີ​ດີ​ເອັບ  ທີ່ເປັນພາສາລາວ ແລະ ພາສາອັງກິດ ຈຳນວນໜຶ່ງ  ທ່ານສາມາດ​ເຂົ້າ​ເຖິງບັນດາ​ນິຕິ​ກໍາ, ຂໍ້​ມູນ​ຂ່າວສານ ​ໄດ້​ໂດຍ​ບໍ່​ເສຍ​ຄ່າ, ບໍ່​ຈໍາ​ກັດ​ກໍານົດ​ເວລາ ​ແລະ ປະ​ເພດ​ຜູ້​ໃຊ້​ບໍລິການ ​ເຊັ່ນ: ດາວໂຫລດ, ດິງກັບເວັບໄຊພາຍໃນກະຊວງ ກະຊວງອຸດສາຫະກໍາ ແລະ ການຄ້າໄດ້,  ຊອກ​ຫາກົດໝາຍ, ບັນດາ​ນິຕິ​ກໍາ​ໃຕ້​ກົດໝາຍ ​​ແລະ  ລະບຽບ​ການສະເພາະ ຂອງຂະແໜງອຸດສາຫະກໍາ ແລະ ການຄ້າ​​​ ແລະ ຂໍ້​ມູນ​ອື່ນ ທີ່​ເປັນ​ປະ​ໂຫຍ​ດ.  ການ​ເຊື່ອມ​ຕໍ່​ເວັບ​ໄຊ​ສາມາດ​ດໍາ​ເນີນ​ໄດ້​ເລີຍ ​ໂດຍ​ບໍ່​ມີ​ການ​ຂໍອະນຸຍາດ ກໍລະນີ​ທ່ານ​ຕ້ອງການ​ຂໍ້​ມູນ​ເພີ່ມ​ຕື່ມ ກະລຸ​ນາ​ຕິດ​ຕໍ່​ພວກ​ຂ້າພະ​ເຈົ້າ.

ສໍາລັບ​ການ​ປະກອບ​ຄໍາ​ເຫັນ ຕໍ່​ຮ່າງ​ນິຕິ​ກໍາ​ທີ່​ສ້າງ ​ແລະ ປັບປຸງ​ໃໝ່     ພວກ​ຂ້າພະ​ເຈົ້າ​ຈະ​ບໍ່​ພິມ​ເຜີຍ​ແຜ່​ຂໍ້​ມູນ​

ດັ່ງກ່າວ ​ໃນ​ລັກສະນະ​ທີ່​ເປັນ​ການ​ເປີດ​ເຜີຍ​ບຸກຄົນ. ນອກຈາກ​ນັ້ນ ພວກ​ຂ້າພະ​ເຈົ້າ​ຍັງ​ເກັບ​ກໍາ​ຂໍ້​ມູນ​ດ້ານ​ສະຖິຕິ ກ່ຽວ​ກັບ​ການ​ເຂົ້າ​ມາ​ໃຊ້​ເວັບ​ໄຊ ຂອງ​ພວກ​ຂ້າພະ​ເຈົ້າ ​ເພື່ອ​ເປັນ​ຖານ​ຂໍ້​ມູນ​ໃນ​ການ​ປະ​ເມີນ ການ​ນໍາ​ໃຊ້​ເວັບ​ໄຊ.

ເວບໄຊນີ້ ແມ່ນໄດ້ຮັບການ ສະໜັບສະໜູນ​ໂດຍ​ໂຄງການ ຮ່ວມ​ມື​ແມ່​ນໍ້າຂອງ(MeKong Institute-MI) ພາຍ​ໃຕ້​ກອບ​ການ​ຮ່ວມ​ມື​ແມ່​ນໍ້າຂອງ-​ສ ​ເກົາຫຼີ (MeKong-ROK Cooperation  Fund – MKCF) ແລະ ຈັດຕັ້ງປະຕິບັດໂດຍ ພະແນກນິຕິກໍາ, ຫ້ອງການກະຊວງອຸດສາຫະກຳ ແລະ ການຄ້າ.